NBL第二阶段第四轮既赛事，广东凤铝系主场佛山既岭南明珠体育馆95：86击败左深圳新胜威。

　　继上一轮凤铝系主场击败东莞之后呢今轮又系一场广东打比，对手呢就系深圳新胜威，身高2米21的中锋普雷斯特威力有几大呢就系人都知架啦，所以深圳队呢一开始就系内线对呢个强力中锋进行夹击，切断左距同外围既联系，再加上深圳精准既外围呢第一节凤铝就落后21：23，虽然半场结束既时候凤铝就反超翻53：49啊，但系就连主教练王绪林都承认对于外援普雷斯特实在太过依赖啦，成队既战术变化唔够再加上深圳个边速度快，往往普雷斯特都未黎得切回防人地就已经完成进攻啦，所以第三节结束双方都仲系难分难解甘打到62平。好在全场系甘跑既深圳到最后一节呢终于无力啦，俾凤铝打左个7：0既攻势出黎，甘凤铝先勉强系主场95：86赢出，不过如果唔制定多几套应急既战术出黎呢睇怕凤铝都好难保住而家前二既位置啊。（记者：陈凯冬）

（责任编辑：罗炜）